O cuarto meetup do VigoJUG: Kotlin, o Java para o século XXI

14/06/2017

En Xullo aínda non estamos de vacacións.. e vimos con un tema moi interesante: Kotlin. Unha linguaxe que Google anunciou fai pouco está soportada oficialmente en Android (xunto con Java) e que no ultimo ano escalou posicións de forma meteórica no índice Tiobe.

Ademais, teremos un poñente de luxo e moi coñecido na comunidade: Alberto Ruibal. Durante moitos anos petándoo en Google Play e agora nas filas dunha das empresas locais máis activas, Quobis.

A presentación da charla da man de Rui:

O anuncio do Google I/O ven avalar aos moitos desenvolvedores e empresas que xa confiaban en Kotlin como a súa linguaxe principal para Android.

Pero Kotlin vai moito máis alá de Android: é unha linguaxe da JVM 100% interoperable con Java que tamén pode transpilar a Javascript, compilar a nativo e incluso ser usada en scripts.

Nesta charla discutiremos as características de Kotlin, irmá pequena de Scala, que fan dela unha linguaxe funcional moderna, segura, concisa e productiva, amosando un exemplo de cómo se migrou un código Java existente a Kotlin (o Carballo Chess Engine).

Cartel Kotlin

Unha vez rematada a charla de Alberto, faremos unha sesión de charlas cortas (5 minutos). Anímate e envianos a tua proposta a organizers@vigojug.org.

O meetup farase no Kaleido Coworking ( ubicación ) as 19:30 o martes 4 de Xullo. O rexistro faise a través da páxina do meetup.

O rematar, e como marca a tradición, iremos tomar unhas cervexas o bar do lado para charlar un rato e relaxarnos un pouco.

¡Anímate!

P.D.: xa temos o reto de Xuño publicado en GitHub, anímate a mellorar un pouco os teus skills de programación, é moi divertido.

P.D.2: a volta do verán, faremos máis talleres de iniciación a programación orientada a obxetos ;-)


O terceiro meetup do VigoJUG

11/05/2017

¿Xa estabades a botar en falta a convocatoria do terceiro meetup?. Pois aquí o vai... ¡e ven cargado!.

Pero antes, algúns recordatorios:

  • Tedes o resumo e charlas gravadas do anterior (¡gracias David!) na web do VigoJUG
  • O reto do mes xa está lanzado, se non sabes o que é, bótalle un ollo, está sendo moi divertido. Tamén podes pedir axuda no Slack, ¡estamos para axudar!.
  • As charlas están a ser un pouco complexas para a xente que se está iniciando. Non temos unha solución a curto prazo pero estamos facendo Workshops de iniciación para compensar. Xa te podes anotar no deste mes na web do Meetup.

E agora sí, as charlas do meetup de Xuño:

  • "Introducción a Scala" por @rubenrua "The optimizator" de Teltek Video Research. Rubén saltou a fama recentemente coma optimizador de ferramentas PHP pero xa era ben coñecido ns comunidades locais. É un apaixonado de Scala e a sua charla promete ser unha boa introdución as bondades e casos de uso do linguaxe.

A presentación da charla:

Repaso de las características de este lenguaje de programación multi-paradigma que integra sutilmente principios de lenguajes funcionales y orientados a objetos.
En esta charla no hablaremos de programación funcional pura o de álgebra de mónadas. Listaremos características pragmáticas de Scala que han servido de inspiración a muchos lenguajes. Seguro que lo que aprendas te servirá para tu próximo programa en Java 8, Kotlin, Scala (porque no? también hablaremos de esto)

  • "The monolith is dead, long live Microservices" @vfdiaz de Optare Solutions. Vitor é un dos mellores enxeñeiros que coñecemos e unha persoa de moito peso nos equipos onde traballa, con moita experiencia en SpringBoot e, o máis importante, foi o gañador do primeiro Kahoot do VigoJUG con 9 de 10, ¡case nada!.

A presentación da charla:

En una primera parte haremos un breve repaso sobre el desarrollo de aplicaciones Java a través del tiempo: Partiendo de las primeras aplicaciones "empresariales", veremos el nacimiento de los servidores de aplicaciones, su evolución, los problemas a los que se enfrentan y su (posible) ocaso frente a las arquitecturas de Microservicios.
En una segunda parte más práctica, veremos cómo Spring Boot nos ayuda a implementar esta arquitectura.

Cartel Scala

O meetup farase no Kaleido Coworking ( ubicación ) as 19:30 o martes 6 de Xuño. O rexistro faise a través da páxina do meetup. Se reservas unha praza e finalmente non podes ir, por favor libéraa con tempo para que outro poida collela.

O rematar, e como marca a tradición, iremos tomar unhas cervexas o bar do lado para charlar un rato e relaxarnos un pouco.

¡Anímate!


O resumo do segundo meetup

10/05/2017

Esto marcha, parece incrible que xa esteamos a facer o resumo do segundo meetup, teñamos un workshop convocado, o segundo reto en marcha e xa vaiamos de camiño o terceiro meetup. Non podemos estar máis agradecidos a toda a comunidade. ¡Sodes uns cracks!.

Xa indo o tema, o segundo meetup empezou presentando VigoTech, unha iniciativa conxunta de todos os grupos. Se non visitaches a web, date unha volta e descobre todo o que Vigo pode ofrecerte de balde en temas de tecnoloxía e comunidade.

Tamén fixemos un sorteo para repartir as licencias de JetBrains entre a xente que se anima a facer unha charla. Anímate a facer unha, ¡é moi divertido!.

Despois anunciamos o gañador do reto, Miguel, organizador do Python Vigo foi o vencedor pero tal e como se comentou, gañamos todos. O reto está a ser moi divertido e para todo o mundo xa que é modular e non fai falta facelo todo. Se te animas, o de Maio xa está lanzado. Non fai falta facelo completo e ninguén vai criticar o teu código: todos temos obrigas máis importantes que sumar arrays de enteiros. O tema é aprender e practicar un pouco máis.

A continuación, Alejandro Moratinos fixo unha introducción sobre a base de datos Cassandra.


Unha charla moi informativa, con moita participación dos asistentes e boas pinceladas para coñecer de que vai esta Base de datos e as NoSQL en xeral. Alejandro tamén compartiu a sua experiencia con esta DB, os casos de uso e trucos. As slides da charla as podedes encontrar no repo de Github e a podedes tamén ver en video en Youtube.

A segunda charla a fixo Saul Molinero, un dos organizadores do GDGVigo e con moita experiencia no desenvolvemento de Android. A charla foi sobre Reactive programming con RxJava e tivo unha parte teórica e unha práctica. Sempre é de agradecer que os poñentes fagan algo de Live Coding. Non é doado pero Saul o fixo moi ben, nótase canto sabe do tema.


As slides e código da charla están no seu repo de Github e o video da charla en YouTube.

Para finalizar, fixemos un Kahoot. Esta vez o gañou María Bouzas, ¡parabéns!.

Despois, unhas cervexas no bar do lado. Coma sempre, ter un rato para falar ca xente e botarse unhas risas é o mellor do meetup.

Xa temos o seguinte Meetup convocado e tamén un workshop de iniciación, ¡non volos perdades!. Os podedes anotar na nosa páxina do Meetup.


O resumo do primeiro meetup

05/04/2017

Parece incrible pero xa pasou o primeiro meetup do VigoJUG. Dende a organización, queremos darvos as gracias a todos: os asistentes, os sponsors e os outros grupos de Vigo que tanto axudaron a facer realidade o VigoJUG. Agradecer en especial a David Ibañez o currazo de gravar, editar e subir os vídeos. Pasamos un bo rato xuntos e temos as pilas a tope para ir a por máis.

No meetup houbo uns 60 anotados, inda que non viu todo o mundo foi moito máis do que era a nosa previsión (sobre dez contando os poñentes)... así que en termos de asistencia e tendo en conta que foi o primeiro, non podemos estar máis contentos.

Empezamos cunha presentación do VigoJUG por Tomás, para xa entrar en materia ca sua charla, Make Java great again, charla elixida por votación no twitter. A nota graciosa a puxo un repartidor que interrompeu a Tomás para entregar un paquete e un dos asistentes que matizou "Tranquilos, é un paquete Java". A charla cubriu o pasado, presente e futuro de Java con anécdotas, trucos e curiosidades. A podedes ver en Youtube e tedes as slides no Github do VigoJUG.


Despois Antón fixo unha introdución a Groovy co título De Groovy... e Sancho Panza, comezando cas diferencias con Java 7 e 8 e seguindo por diferentes utilidades, tentando que todo o mundo puidera levarse algo da charla. Houbo algo de programación en directo, que sempre é de agradecer. Terminou falando do VigoJUG e presentando o reto, que se anunciará moi pronto. A charla a podes ver no canal Youtube do VigoJUG e as slides e código no Github.


Finalmente, xogamos un Kahoot que fixo os asistentes gastar os miolos. O gañador foi Vitor, que xa goza da sua licencia de JetBrains.

Para rematar, unhas cervexas no bar do lado do Kaleido, coma sempre, o mellor do Meetup.

O meetup de Maio xa está listo, así que si queredes, xa vos podedes apuntar en Meetup. Tamén, se tedes unha charla ou idea na cabeza, ¡falade con nos!.


O segundo meetup do VigoJUG

01/04/2017

Despois do ben que o pasamos na primeira meetup (polo menos os organizadores), xa nos tarda organizar a segunda, así que vela ahi vai:

Empezará Alejandro Moratinos de Netcentric cunha charla de 30 minutos titulada: "Introducción de Cassandra con Java" na que se fará unha pequena introdución o mundo NoSQL centrado especialmente na base de datos Open Source chamada Cassandra. A continuación farase algún exemplo para ver como utilizala e conectarse desde aplicativos Java, resaltando as boas prácticas e erros máis comúns.

A continuación, virá Saúl Molinero de Popsy e un dos organizadores do GDGVigo, con outra charla/taller de 30 minutos titulada "Reactive programming con RxJava". Tratase dunha librería para crear programas asíncronos de maneira reactiva. A charla ten utilidade para os linguaxes que se executan na JVM pero tamén para os outros, xa que hai librerías para moitos deles que baséanse nas Reactive Extensions. Tamén se verá a boa cohesión que hai con determinados aspectos de Java 8.

Ademais, o comezo, teremos unha pequena introdución do gañador do reto (¡o publicaremos en breve!) se hai quórum para facelo.

O meetup farase no Kaleido Coworking ( ubicación ) as 19:30 o martes 2 de Maio. O rexistro faise a través da páxina do meetup. Se reservas unha praza e finalmente non podes ir, por favor libéraa con tempo para que outro poida collela.

O rematar, e como marca a tradición, iremos tomar unhas cervexas o bar do lado para charlar un rato e relaxarnos un pouco.

¡Anímate!


Colaboradores